Ака уйăхěн 19-мěшěнче Урпашри пěтěмěшле пěлỷ паракан вăтам шкулта  чăваш халăхне çутта кăларакана, Иван Яковлевич Яковлева халалласа чăваш чěлхипе литература эрни пуçланчě. Çак çурхи хěвеллě кун чăваш чěлхине вěрентекен Кузьмина Венера Меркурьевна хăйěн вěренекенěпе, Васильева М., Шупашкар хулинче наукăпа практика конференцийěнче пулса курчěç. Васильева М. автор поэзийěпе проза секцинче хăйěн ěçне хỷтěлерě. Вăл хальхи вăхăтра çар тивěçне пурнăçлакан   паттăр çын çинчен «Кỷршě  ял каччи» хайлавпа жюри членěсене паллаштарчě. Жюри членěсем пирěн вěренекен ěçне лайăх хак пачěç. Васильева М. лауреат ятне çěнсе илчě. Эпир ăна чун-чěререн саламлатпăр!