МБОУ «Ювановская СОШ» (СП С. Малое Карачкино)

Юпа уйӑхӗн 1-мӗшӗ - Ватӑ ҫынсен кунӗ тесе палӑртнӑ календарьте. Ҫак уява Пушкӑрт шкул ачисем те хутшӑнчӗҫ. Ачасем зала пухӑннисене салам сӑмахӗсемпе кӗтсе илчӗҫ. Сцена ҫинче шкул ҫулне ҫитменнисем те, кӗҫӗн класрисем те, вӑтам класри вӗренекенсем те хӑйсен уҫӑ сассисемпе, ҫӑмӑл алли-урипе, хавас кӑмӑл-туйӑмпа ватӑсен чун-чӗрине савӑнӑҫ кӳчӗҫ. Уява килнӗ кукамайсемпе асаннесем ачасен пултарулӑхне вырӑсла та чӑвашла сӑвӑ-юрӑра курса кӑмӑллӑ юлчӗҫ.  Савӑнӑҫлӑ концерта 4-мӗш класра веренекен Юлия Егоровӑпа 1-мӗш класра веренекен Федор Ятрушев ертсе пычӗҫ.

Шкул ачисем ватӑсене сума суса, ырра вӗрентнӗшӗн тав туса уява ҫак сӑмахсемпе вӗҫлерӗҫ.

Сад пахчинчи кайăксем

Ҫепĕҫ ҫемĕ шăратаҫҫĕ.

Ырă ĕҫшĕн ватăсем,

Сиплĕ пехил параҫҫĕ.

Йывăҫ лартсан сад ҫитĕнет.

Уй-хир пулсан тырпул ӳсет.

Ватти пулсан йĕрке пулать,

Ваттипеле пурнăҫ пулать.