Урпашри пěтěмěшле пěлỷ паракан вăтам шкулта Чăваш кунěн уявěсем малалла пыраççě. Ăна чăваш халăхне çутта кăларакан Иван Яковлевич Яковлев 175 çул тултарнине халаллатпăр. Ака уйăхěн 18-мěшěнче Урпашри пěтěмěшле пěлỷ паракан вăтам шкулта чăваш чěлхипе литературине вěрентекен Кузьмина Венера Меркурьевна ертсе пынипе 5-мěш класра «Чăваш апат-çимěçě» темăпа хуран кукли пěçерме вěрентěмěр. Ку ěçе хěр ачасемпе пěрле арçын ачасем те хаваспах хутшăнчěç. Ачасем кантраллă кукăль тума вěренчěç. Хăйсемех пěçерчěç, çуллă кукăле юратса çирěç.