Урпашри пěтěмěшле пěлỷ паракан вăтам шкулта Иван Яковлевич Яковлев çуралнăранпа 175 çул çитнине халалласа тěрлě мероприятисем иртеççě. Ака уйăхěн 14-мěшěнче чăваш чěлхипе литературине вěрентекен Кузьмина Венера Меркурьевна ертсе пынипе «Иван Яковлевич Яковлев эткерлěхě аслă!» темăпа 8-мěш класра КВН пулса иртрě. Ачасем ушкăнри ěçре хăйсен пултарулăхне кăтартма вěренчěç, пěр-пěринпе килěштерсе ěçлерěç, тимлě пулассине, туслăха хаклассине, ěçе юратма вěренессине тěпе хучěç. Вěрентекен 8-мěш класра вěренекенсене тěрлě ыйтусем парса кăсăклантарчě. Уйрăмах ачасене вуласа тухнă калав тăрăх пантомима кăтартни кăмăла кайрě.

Иван Яковлева манмастпăр,

Усратпăр халăх асěнче,

Ăна сума суса юрлатпăр

Хамăр чăваш çěр-шывěнче.