«Çěнě хум» конкурса хутшăнтăмăр

  Регионсем хушшинче ирттернě «Çěнě хум» конкурсра Урпашри пěтěмěшле пěлỷ паракан вăтам шкул вěренекенě  Петр Ятрушев çěнтерỷçě ятне илме тивěçлě пулчě. Конкурсри çěнтерỷçěсене Шупашкарта  Чăваш наци библиотекинче чысларěç. Кунта Чăваш, Тутар, Пушкăрт Республикинчи чăвашсем пуçтарăннă. Юрий Сементер, Мěтри Кипеч, Василий Кервен поэтсемпе писательсем тухса калаçрěç. Чăваш халăхěн мухтавлă ывăлě, чăваш поэзийěн никěсне хывкан Çеçпěл Мишшине халалланă поэзи кунě пысăк шайра иртрě. Урпашри вăта шкулта вěрентекен Кузьмина Венера Меркурьевнăпа унăн вěренекенě тулли кăмăлпа юлчěç.