Ака уйăхĕн 26-мĕшĕнче Чăваш наци вулавăшĕнче регионсем хушшинчи «Эпĕ пĕчĕкçĕ чăваш» видеоконкурс çĕнтерçисене чысларĕç. «Вăрманти юмах» ача пахчинчен те унта çитме тивĕçлисем пулчĕç. Лидия Якимова Николай Ишентей поэтăн «Чуччу ярăнни» сăввине видеопа ÿкерсе каланине 1-мĕш вырăн парса хакланă. Чи кĕçĕн чăваш ачине Хисеп хучĕпе, сăвă авторĕн аллинчен илнĕ кĕнекесемпе тата пысăк ÿкерчĕк парса чысларĕç. Конкурса йĕркелекенсене Чăваш чĕлхин инçет вĕренÿ центрне, Чăваш халăх сайтне тав сăмахĕ калас килет.