2018 – мěш çулта Чăваш Республикинче Иван Яковлевич Яковлев çулталăкне уявлаççě. Çакă чăваш халăхне çутта кăларакан, чăваш халăхěн Улăпě, Иван Яковлевич Яковлев, çуралнăранпа 170 çул çитнипе çыхăннă. Ака уйăхěн 18- мěш кунěнчен пуçласа ака уйăхěн 25- мěшчен Тăван Енěмри шкулсенче чăваш чěлхипе литература кунěсем иртеççě.
Ака уйăхěн 18-мěшěнче Урпашри пěтěмшле пěлỷ паракан вăтам шкулти вěренекенсем чăваш чěлхипе литература эрнине уçма капăрлатнă зала пуçтарăнчěç. Шкул директорě, Кузьмина Любовь Алексеевна, тăван чěлхе эрнине уçма сăмах илчě, ачасем вара Чăваш Республикин гимне шăрантарчěç. Чăваш чěлхипе литературине вěрентекен Николаева Валентина Поликарповна вěренекенсене И.Я. Яковлевăн биографийěпе паллаштарчě. Кузьмина Венера Меркурьевна ачасене Иван Яковлевичăн хайлавěсене уçăмлă каласа пачě. Сцена çинче вěренекенсен уçă сасси юратнă тăван чěлхемěр çинчен янăраса тăчě. Уйрăмах 4-мěш, 2-мěш, 3-мěш , 10-мěш класра вěренекенсен уявра хастар пулчěç. Интернет олимпиадăра та ачасем тухăçлă ěçлерěç. Шкул чысне улттăмěш тата çиччěмěш класра вěренекенсем хỷтěлерěç (ертỷçисем - Кузьмина Венера Меркурьевнăпа Николаева Валентина Поликарповна).
Ака уйăхěн 19-мěшěнче чăваш чěлхипе литературине вěрентекен Кузьмина Венера Меркурьевна 9-мěш класра И.Я. Яковлевăн «Чăваш халăхне» халал тăрăх мастер класě ирттерчě. Ачасем чăваш улăпěн халалне вырăсла, акăлчанла вуларěç, презентаципе паллашрěç. Венера Меркурьевна ачасене нимěçле те вуласа пачě. 6 - мěш класри ачасем те тěрлě конкурссене хутшăнма хавас. Вěсем Тихăн Петěркки çырнă «+утталла» пьеси тăрăх викторина ыйтăвěсемпе ěçлерěç. Чи пултаруллисем хěрачасем пулчěç, малти вырăнсене йышăнчěç.
Николаева Валентина Поликарповна 7-мěшпе 8–мěш классем хушшинче хаваслă КВН ирттерчě. Ачасем хăйсен пултарулăхне пур енчен те кăтартма тăрăшрěç. КВН туслăх çěнтернипе вěçленчě.
Ака уйăхěн 20-мěшěнче Етěрнери 3-мěш шкулта Иван Яковлевич Яковлев çуралнăранпа 170 çул çитнине халалласа накăпа практика конференцийě иртрě. Урпашри пěтěмěшле пěлỷ паракан вăтам шкулти 10-мěш класра вěренекенсем шкул чысне тивěçлипех хỷтěлерěç. Вěсен тěпчев ěçěсен темисем - Иван Яковлевич Яковлевăн «Чăваш халăхне» халалě тата «Халăхě тěрлěрен – шухăшě пěрре» ( ертỷçисем- Кузьмина В.М. тата Николаева В.П.) Селивестрова Виктория çěнтнрỷçěсен йышне кěме пултарнишěн чунтан эпир савăнатпăр.
Ака уйăхěн 21-мěшěнче Урпашри пěтěмěшле пěлỷ паракан вăтам шкулта «Яковлев вулавě» конкурс иртрě. Конкурса шкула вěренме çитмен ачасенчен пуçласа аслă класра вěренекенсем таранах активлă хутшăнчěç. Уйрăмах 3-мěш класра вěренекенсем И.Я. Яковлевăн «Сармантей», шкул çулне çитмен ачасем «Хураçка», «Автан» хайлавěсене уçăмлă вулани куракансен кăмăлне тивěçтерчě. 5-мěш класра вěренекенсем «Йăлăнтарни», «Виçě пулăç», «Уçăлма тухнă шăши çури» калавсем тăрăх инсценировкăсем лартса пачěç.
«Ăс пěрчи» темăпа 3-мěш класс ертỷçи Савинкина Елена Александровна мастер класě ирттерчě, вăл вěрентекенсене шкулта вěрентес ěçре çěнě технологисемпе паллаштарчě. Мастер класс ăнăçлă иртрě.
4-мěш класс ачисем чăваш юррисемпе савăнтарчěç. 4-мěш класа вěрентекен тата музыка учителě Афанасьева Татьяна Валериановна 5-7 класра вěренекенсене чăваш юррисене юрлаттарчě. Çак кун шкулта кунěпех чăвашла савăнăçлă юрă-кěвě янăрарě.