Ака уйăхěн 25- мěшěнчн Чăваш Енре И.Я. Яковлев çуралнăранпа 170 çул тултарнине паллă тăваççě. Çак кун Урпашри пěтěмěшле пěлỷ паракан вăтам шкулта та чаплă уяв иртрě. Концерта вуннăмěш класра вěренекенсем ертсе пычěç. Чи малтанах сцена çине шкул çулне çитмен ачасем чăваш юрри-ташшипе куракансене савăнтарчěç, И.Я. Яковлевăн «Автан» тата «Хураçка» хайлавěсене илемлě те уçăмлăн вуласа пачěç. Пур  класра вěренекенсем те чăваш халăх юррисене янраттарчěç, тěрлě хускануллă ташшăсене  лартса пачěç, П. Хусанкайăн, Ухсай Яккăвěн, А. Артемьевăн хайлавěсене пăхмасăр вуларěç. Ачасен пултарулăхě Иван Яковлевичăн «Чăваш халăхне» халалпа вěçленчě.