И.Я.Яковлев Çулталăкне тата чăваш чĕлхипе литература эрнине халалласа 3-мĕш класра «Ăслăлăх пĕрчисем» класс сехечĕ пулса иртрĕ. Малтан класс ертÿçи ачасене Иван Яковлевич биографийĕпе паллаштарчĕ. Унтан ачасем И.Яковлевăн «Мăнтăрланнă чăх», «Кулач», «Суеçĕ» калавĕсене вуласа тухса унти ĕç пулăмсене сÿтсе яврĕç. Çак виçĕ калавран «ăслăлăх пĕрчисем» суйларĕç те «пурнăç хутаççине» (копилка мудрости) вырнаçтарчĕç. Ваттисен сăмахĕсемпе те пуянлатрĕç ачасем «ăслăлăх хутаçне». Юлашкинчен 3-мĕш классем пĕтĕмлетÿ турĕç: «Ăслăлăх хутаçĕ мĕн чухлĕ йывăртарах пулать, пурнăç тăрăх утма çавăн чухлĕ çăмăлтарах пулĕ, мĕншĕн тесен вăл çынна çын пулма вĕрентет».

Савинкина Е.А.