Ака уйăхěн 23-мěшěнче Урпашри пěтěмěшле пěлỷ паракан вăтам шкулта чăваш чěлхипе литературине вěрентекен Кузьмина Венера Меркурьевна 5-6 класри ачасене виртуаллă экскурсие Ульяновск хулине илсе çитерчě. Ачасем Чěмпěр чăваш шкулěпе паллашрěç, вěренỷ класěсене çитсе курчěç. Шкулта пур çěрте те çирěп йěрке, таса та çутă, илемлě пỷлěмсем пулнине, хитре чечексем ỷснине вěренекенсем пахаларěç. Унтан ачасем «Иван Яковлевич шкулě» темăпа презентаци курчěç.  Вěренекенсем  Чăваш халăх Улăпěн, чăвашсене çутта кăлараканăн биографийěпе  паллашрěç. Уйрăмах ачасене Н. Овчинниковăн  «Иван Яковлевич Яковлев 2 Николай  патша патěнче» ỷкерчěкě тěлěнтерчě. Вěсем çак картина тăрăх ăслав  çырчěç, пěр-пěрин ěçěсене пысăк хак пачěç.