Урпашра тăван чĕлхе кунĕсем пуçланчĕç

  Урпашри пĕтĕмĕшле пĕлỷ паракан вăтам шкулта тăван чĕлхене  чунтан юратакансем   ака уйăхĕн 19 – мĕшĕнче капăр   зала пуçтарăнчĕç. Кунта пуçтарăнма  пысăк сăлтав пур, мĕншĕн тесен ака уйăхĕн 19 – мĕшĕнчен пуçласа ака уйăхĕн 26 – мĕшĕччен шкулта  чăваш чĕлхипе литература кунĕсем иртеççĕ. Чи малтанах чăваш чĕлхине вĕрентекен Кузьмина Венера Меркурьевна уява пуçтарăннисене тăван чĕлхе кунĕсен ĕç йĕркипе паллаштарчĕ. Вĕренекенсем «Яковлев шкулĕ» темăпа презентаци курчĕç. Унсăр пуçне зала Сытина Надежда Константиновна, «Буратино» кружок ертỷçи, «Паха тĕрĕ» выставка йĕрекелерĕ. Курава вĕрентекенсемпе вĕренекенсем пысăк хак пачĕç.

   Шкул библиотекинче те халăх йышлă пулчĕ. Унта вара Максимова Альбина Германовна Юхма Мишин кĕнекисем тăрăх выставка йĕркелерĕ. Ачасем юратнă çыравçăн паттăрĕсемпе паллашрĕç. Чăваш паттăрĕсем çинчен вулама кăмăл турĕç.