Чăваш чĕлхи уявĕнче

   Ака уйăхĕн 27 – мĕшĕнче  Урпашри пĕтĕмĕшле пĕлỳ паракан вăтам шкулта Кузьмина Венера Меркурьевна, чăваш чĕлхипе литературине вĕрентекенĕ, вăтам классенче  «Чăваш халăх юррисем» темăпа конкурс ирттерчĕ. Вĕрентекенсем Максимова Юлия, Кузьмина Дина, Сытина Анна, Ильина Марина, Кузьмин Николай, Филиппова Лариса чи пултаруллă юрăçсем пулнине палăртрĕç. Çак кунах улттăмĕш класра вĕренекенсем  Тури Ирçе ялĕнчи библиотекăра пулчĕç. Вĕсем Ирçе ялĕнче пурăнакан ватă çынсем умĕнче Иван Яковлевич Яковлев çырнă хайлавсем тăрăх инсценировкăсем лартса пачĕç,  Стихван Шавлин «Вĕçкĕн Ваççа» сăввине вуларĕç, чăваш халăх юррисене шăрантарчĕç. Ирçе ялĕнче пурăнакан ват çынсем  тăвăллăн алă çупса çамрăк артистсене саламларĕç.