Ака уйăхĕн 25-мĕшĕ – чăваш чĕлхи кунĕ

   Ака уйăхĕн 25-мĕшĕ – чăваш чĕлхи кунĕ. Урпашри пĕтĕмĕшле пĕлỳ паракан вăтам шкулти вĕренекенсем Кузьмина Венера Меркурьевна ертсе пынипе Чăваш чĕлхи кунне уявларĕç. Иван Яковлевич Яковлев çинчен презентаци курчĕç. Чăваш халăхĕн Улăпĕ çинчен пĕтĕмлетсе классем хушшинче викторина ирттерчĕç. Викторина ыйтăвĕсем çине вĕренекенсем тулли хуравсем  пама тăрăшрĕç. Ку конкурсра туслăх çĕнтерчĕ.

5 – мĕш класра «Чи ăслă ача» конкурс питĕ интереслĕ иртрĕ. Чи ăслă  вĕренекен Ятрушев Максим пулса тăчĕ. Кузьмина Дина иккĕмĕш вырăн йышăнма пултарчĕ. Максимова Юльăпа Ятрушев Антон виççĕмĕшпе тăваттăмĕш вырăнсене пайларĕç.

    Иван Яковлевич çырнă хайлавсем тăрăх Сытина Анна, Кузьмин Николай, Журавлёва Евгения, Крылов Андрей инсценировкăсем лартса пачĕç. Çамрăк артистсем хăйсен  пултарулăхĕпе тĕлĕнтерчĕç. Улттăмĕш класра вĕренекенсем Стихван Шавлин «Вĕçкĕн Ваççа» сăввине  илемлĕ вуларĕç.

- Аннỳ панă чĕлхерен

Ан вăтан эс ỳлĕмрен! – тесе вĕçлерĕç уява.